U-21-in səfər oyunun proqramı

21 yaşadək futbolçulardan ibarət Azərbaycan komandasının Avropa çempionatının seçmə mərhələsində Çex Respublikası ilə keçirəcəyi səfər oyununun yeri və başlama vaxtı müəyyənləşib.

Allsport.az xəbər verir ki, “B” qrupunun III turu çərçivəsində oktyabrın 10-da Karvina şəhər stadionunda təşkil olunacaq görüş Bakı vaxtı ilə saat 20:00-da başlanacaq.

U-21 seçmə mərhələnin ilk iki turu çərçivəsində sentyabrın 5-də Barselos şəhər stadionunda Portuqaliya yığması ilə, sentyabrın 9-da isə “Dalğa arena”da Bolqarıstan seçməsi ilə qarşılaşacaq.