UEFA “Marsel”in Bakıda “Qarabağ”la oyununu təhlükəli səfər adlandırdı

Konfrans liqasının pley-ofunda “Qarabağ”la paytaxtımızda keçiriləcək matçı “Marsel” üçün təhlükəli səfər adlandırıb. Allsport.az saytı xəbər verir ki, Avropanın ali futbol qurumu bu barədə yazıda bildirib:

“”Marsel” konfrans liqasının qrupunda İsveçrə “Bazel”indən sonra 2-ci yeri tutan, lakin Kipr “Omoniya”sı və Qazaxıstan “Kayrat”ını xeyli qabaqlayan “Qarabağ”a çağırış edir. Xorxe Sampaolinin baş məşqçi olduğu komanda Avropanın digər ucuna təhlükəli səfərdən əvvəl qış fasiləsi səbəbindən fevralın əvvəlinədək matç keçirməyən komandaya qarşı “Velodrom”da ilk oyununa çıxacaq”.

Bu komandaların ilk görüşünü fevralın 17-də səfərdə, cavab oyununu fevralın 24-də Bakıda keçirəcək.