UEFA şəhərlərə verilən vaxtı uzatdı

UEFA AÇ-2020-də azarkeşlərlə bağlı planları müəyyənləşdirmək üçün təşkilatçı şəhərlərə verilən vaxtı uzadıb. Allsport.az xəbər verir ki, həmin müddət aprelin 7-dən 28-dək artırılıb.

Bəzi görüşlərin digər şəhərlərə salınması, bəzilərinin isə azarkeşsiz keçirilməsi də mümkündür. 2020-ci ildə keçirilməli olan Avropa çempionatı koronavirus pandemiyası səbəbindən bu il 11 iyun – 11 iyula təxirə salınıb.

Avro-2020-yə Bakı, Sankt-Peterburq, London, Münhen, Roma, Buxarest, Dublin, Kopenhagen, Bilbao, Qlazqo, Budapeşt və Amsterdam şəhərləri ev sahibliyi etməlidir.