Uğursuzlardan “ilk töhfə”: 33 ildə ən aşağı göstərici!

Qurbanovla başlanan uğur, Santuşla bitən rüsvayçılıq!

Futbol seçməmiz cari UEFA millətlər liqasını minor notlarla bitirdi. Fernandu Santuşun komandası mövsümü 1 xalla başa vurdu. Bu, müstəqil Azərbaycanın 33 ilində ən aşağı göstəricidir! Millimiz son dəfə qrup mərhələsini 1 xalla 2019-2020 mövsümündə başa vurub. Həmin rəqabət, final mərhələsinin 4 görüşünün Bakıda keçirildiyi Avropa çempionatının ələməsi idi. O zaman komandamıza xorvatiyalı Nikola Yurçeviç rəhbərlik edirdi. “Ay-ulduzlular” paytaxtda baş məşqçimizin həmyerliləri ilə 1:1 oynamışdı. Üstəlik, Macarıstanla səfər oyununda təmiz qolumuz qeydə alınmamışdı.

Avropa və dünya çempionatlarının təsnifatları millətlər liqasından yüksək dərəcəli sayılır. Adı son çəkilən mübarizədə komandalar əmsala və gücə görə bölünüb və bu liqanın özünün final mərhələsi yoxdur. “Millətlər”in özü Avropa və dünya çempionatlarına körpüdür. Belədə, Azərbaycan, futbol üzrə milli komanda tarixində ən aşağı nəticə göstərib. Həmin uğursuzluq və acı tarix Rövşən Nəcəf – Sərxan Hacıyev və “ay-ulduzlular”ımızın yeni himayədarı “Misli”nin dövrünə təsadüf edib.

Bu azmış kimi, müxtəlif yaş qrupları üzrə tağımlarımız da böyük hesablı yenilgilərlə ictimai qınağa tuş gəliblər. Demək, AFFA-nın yeni rəhbərliyi öz işinin öhdəsindən gələ bilmir və seçimlərdə yanlışlıqlara yol verirlər. “Boz evdə” hazırda bir neçə söz sahibi var ki, bunlardan biri də adı çəkilən mərc şirkətidir. Uğursuzlar, bacarıqsızlıqlarını yaxın mirzələri vasitəsi ilə keçmiş rəhbərliklə əlaqələndirsələr də, gələn il start götürəcək Dünya Kuboku-2026-nın ələməsində zəif nəticədən sonra, hər hansı bəhanənin arxasında da gizlənə bilməyəcəklər.

“D” liqası, 3-cü qrup
2018/2019 mövsümü
Baş məşqçi: Qurban Qurbanov (Azərbaycan)
2 qələbə, 3 heç-heçə, 1 yenilgi (7:6)

7 sentyabr: Azərbaycan – Kosovo 0:0
10 sentyabr: Malta – Azərbaycan 1:1
11 oktyabr: Farer adaları – Azərbaycan 0:3
14 oktyabr: Azərbaycan – Malta 1:1
17 noyabr: Azərbaycan – Farer adaları 2:0
21 noyabr: Kosovo – Azərbaycan 4:0

Nəticə: Millimiz “C” liqasına yüksəlib

“C” liqası, 1-ci qrup
2020/2021 mövsümü
Baş məşqçi: Canni de Byazi (İtaliya)
1 qələbə, 3 heç-heçə, 2 yenilgi (2:4)

5 sentyabr: Azərbaycan – Lüksemburq 1:2
8 sentyabr: Kipr – Azərbaycan 0:1
10 oktyabr: Qaradağ – Azərbaycan 2:0
13 oktyabr: Azərbaycan – Kipr 0:0
14 noyabr: Azərbaycan – Qaradağ 0:0
14 noyabr: Lüksemburq – Azərbaycan 0:0

Nəticə: Millimiz “C” liqasında qalıb

“C” liqası, 3-cü qrup
2022/2023 mövsümü
Baş məşqçi: Canni de Byazi (İtaliya)
3 qələbə, 1 heç-heçə, 2 yenilgi (7:4)

3 iyun: Qazaxıstan – Azərbaycan 2:0
6 iyun: Belarus – Azərbaycan 0:0
10 iyun: Azərbaycan – Slovakiya 0:1
13 iyun: Azərbaycan – Belarus 2:0
22 sentyabr: Slovakiya – Azərbaycan 1:2
25 sentyabr: Azərbaycan – Qazaxıstan 3:0

Nəticə: Millimiz “C” liqasında qalıb

“C” liqası, 1-ci qrup
2022/2023 mövsümü
Baş məşqçi: Fernandu Santuş (Portuqaliya)
0 qələbə, 1 heç-heçə, 5 yenilgi (3:17)

5 sentyabr: Azərbaycan – İsveç 1:3
8 sentyabr: Slovakiya – Azərbaycan 2:0
11 oktyabr: Estoniya – Azərbaycan 3:1
14 oktyabr: Azərbaycan – Slovakiya 1:3
16 noyabr: Azərbaycan – Estoniya 0:0
19 noyabr: İsveç – Azərbaycan 0:6

Nəticə: Millimiz “D” liqasına yuvarlanıb