Ukrayna əsilli olimpiya mükafatçılarımız Azərbaycandan kömək istədi

Ukrayna əsilli titullu qadın idmançılar kömək istəyib. Allsport.az saytı xəbər verir ki, karate üzrə olimpiya mükafatçımız İrina Zaretska, İnstaqram hesabı vasitəsilə açıqlama verib.

26 yaşlı dünya və avropa çempionu həmyerliləri – qadın güləşçisi Mariya Stadnikin və cüdoçu İrina Kindzerskanın adından milli olimpiya komitəsinə müraciət ünvanlayıb.

O, paylaşımında Azərbaycan milli karate federasiyasını, Azərbaycan güləş federasiyasını, Azərbaycan cüdo federasiyasını və yunan-Roma güləşi üzrə olimpiya və 2-qat dünya çempionu Fərid Mansurovun adını işarələyib.

İrina bildirib ki, artıq Rusiyanın Ukrayna qarşı hərbi müdaxilənin 7-ci günüdür: “Bu müddətdə şəhərləri bombalayır, dağıdır, dinc sakinləri güllələyirlər. İnsanlar, uşaqlar ölür”.