Urfan Abbasov “Araz-Naxçıvan”da

Yeni mövsümlə bağlı transfer çalışmalarını davam etdirən “Araz-Naxçıvan” heyətinə yeni futbolçu qatıb.

Allsport.az xəbər verir ki, bunu klubun mətbuat xidməti açıqlayıb.

Naxçıvan təmsilçisi Urfan Abbasovla anlaşıb. 31 yaşlı müdafiəçi ilə müqavilənin müddəti 1 illikdir.

Karyerası ərzində “Qəbələ” və “Səbail” klublarının formasını geyinən Abbasov Azərbaycan milli komandasının da heyətinə cəlb olunub.