“Vinisiusun boynunda ağrılar var idi”

Allsport.az xəbər verir ki, “Real Madrid”in baş məşqçisi Karlo Ançelotti la liqanın 23-cü turunda “Atletiko Madrid”lə oyunda (1:1) ilkin olaraq start heyətində yer alan komandanın cinah oyunçusu Vinisius Juniorun ehtiyat oyunçular skamyasında qalmasının səbəbini açıqlayıb:

“Vinisiusun boynunda ağrılar var idi. O, isinməyə çalışdı, lakin narahatlıq hiss etdi. Brahim və Xoselu 2 əvəzedici variant idi. Müdafiə variantını seçdik və Braimi buraxdıq. Xoselu sonradan meydana çıxdı və həm də çox yaxşı iş gördü”.