Vüqar Əsgərov daha bir qol vurdu, komandası qələbə qazana bilmədi

Latviya 1-ci liqasında 24-cü turun oyunları keçirilib. Allsport.az xəbər verir ki, Azərbaycan yığmasının sabiq hücumçusu Vüqar Əsgərovun komandası – “1625 Liepaya” klubu da növbəti matçına çıxıb.

Sözügedən klub doğma meydanda “Valmieras”la qarşılaşıb. Matç 2:2 hesabıyla başa çatıb. Start heyətdə meydana çıxan Vüqar bu görüşün 5-ci dəqiqəsində hesabı açıb. O, 90-cı dəqiqədə əvəzlənib.

Qeyd edək ki, bu, Əsgərovun yayda keçdiyi “1625 Liepaya” klubunda qısa müddət ərzində 14-cü qoludur. Onun komandası isə 50 xalla 16 klub arasında 4-cü pillədə qərarlaşıb.