“Xəzər Lənkəran” xeyriyyə yarmarkasında iştirak edəcək

Dekabr ayının 1-dən 31-nə qədər Bakının mərkəzində, Fəvvarələr Meydanında ənənəvi “Soyuq Əllər, İsti Ürək” xeyriyyə yarmarkası keçiriləcək. Allsport.az xəbər verir ki, bu il “Xəzər Lənkəran” Futbol Klubu da böyük məmnuniyyətlə yarmarkada iştirak edir.

Bir ay ərzində, “Xəzər Lənkəran”a məxsus satış nöqtəsində komandanın azarkeşləri klubun fan-şopunun rəsmi məhsullarını endirimli qiymətlərlə əldə edə bilərlər. Həmçinin azarkeşlər qeyd olunan dövr ərzində yarmarkanı ziyarət edəcək komanda üzvləri ilə görüşmək imkanı da əldə edəcəklər.