Xorxe Sampaoli: “Qarabağ” oynamağa imkan vermədi

“Marsel”in baş məşqçisi Xorxe Sampaoli, konfrans liqasının 1/16 finalının ilk oyununda “Qarabağ”a 3:1 qalib gəldikləri ilk oyunu şərh edib. Allsport.az saytı xəbər verir ki, argentunalı mütəxəssis mətbuat konfransında bunu deyib:

“Bizim üçün çətin oldu, çünki “Qarabağ” oynamağa imkan vermədi. İlk hissə ağır keçdi. İkinci hissədə isə ümumiyyətlə oynaya bilmədik. Kollektiv şəkildə zəif oynadıq. Arkadiuş Milikin oyundan çıxarkən mənfi jestini görmədim. Məni maraqlandıran onların oynadıqları dəqiqələrdir. Çünki qarşıda vacib oyunlarımız var”.
 
Qeyd edək ki, bu komandalar arasında cavab görüşü fevralın 24-də Bakıda keçiriləcək.