“Yalnız 11-ci döngədə ötmək fürsəti yarandı”

Maks Ferstappen mövsümdə 7-cı qələbəsini qazanıb. Allsport.az saytı xəbər verir ki, son dünya çempionu Fransada fərqlənib. Niderlandlı sürücü bu qələbədən sonra, “Ferrarı“dən olan yaxın rəqibi Şarl Leklerı 63 xal geridə qoyub. “Red Bul”un pilotu sevincini belə bölüşüb:

“Startdan sonra, Leklerdan önə keçdim. Belə isti havada xüsüsən trasda təkərlər tez qızdığından, yalnız 11-ci döngədə ötmək fürsəti yarandı. Lekler sürətli olsada, bəxti gətirmədi. Ümid edirəm ki, indi özünü yaxşı hiss edir. O mübarizədən çıxdıqdan sonra, yarışin liderliyini əldə edərək təkərlərin vəziyyətini nəzarətdə saxladım.

Hər mərhələdə mümkün qədər xal qazanmağa çalışıram. Mövsümün sonuna hələ çox qran-pri var, ona görə də öndə olmaq vacibdir. Bu baxımdan nəticəmizi uğurla yaxşılaşdırırıq. Bolidi təlmilləşdirərək daha sürətli etmək məcburiyyətindəyik, bunun üzərində işləməyə davam edirik”