Yamal təhsilini bitirdi

“Barselona”nın vingeri Lamin Yamal orta təhsilini başa vurub. Allsport.az xəbər verir ki, onun hazırda 16 yaşı var. İspaniya millisində çıxış etdiyi Avropa çempionatı zamanı, mətbuat, futbolçunun ev tapşırığını yerinə yetirərkən fotolarını dərc edib.

“Ev tapşırığını özümlə Avro 2024-ə apardım, çünki mən ESO (məcburi ümumi təhsil) 4-cü kurs tələbəsiyəm. Mənim də onlayn dərslərim var və işlər mənim üçün yaxşı gedir”, – Mərakeş əsilli futbolçu duruma aydınlıq gətirib.