“Yaxşı matç olacaq”

“Fulhem”in və Belçika millisinin müdafiəçisi Timoti Kastan Avro-2024-ün 1/8 finalında Fransa ilə qarşıdakı oyunla bağlı gözləntilərini bölüşüb.

Allsport.az xəbər verir ki, bu barədə o, RTBF-yə açıqlama verib:

“Mən bunun DÇ-2018-in yarımfinalının revanşı olacağını söyləməyəcəyəm. Amma yaxşı matç olacaq. Komandamız bu tip oyunları sevir. Fransızların sürəti kimi müəyyən şeylərə hazırlaşmalı olacağıq, lakin onlara necə problem yarada biləcəyimizi bilirik. Çünki onlar açıq yerləri tərk edirlər və ön planda Romelu Lukaku ilə birlikdə Kevin de Bruyne var ki, bu da onlara zərər verə bilər”.