“Yaxşı nəticə üçün savaşacağıq”

UEFA millətlər liqasının qrup mərhələsinin VI turu çərçivəsində Azərbaycan səfərdə İsveçlə qarşılaşacaq.

Allsport.az oyun öncəsi təşkil olunan mətbuat konfransında millimizin üzvü Mahir Əmrəlinin səsləndirdiyi fikirləri nəzərinizə çatdırır:

“Sabah güclü rəqibə qarşı oynayacağıq. Bizi çətin qarşılaşma gözləyir. Rəqibin adı bəllidir. Buna baxmayaraq, öz oyunumuzu göstərib, yaxşı nəticə üçün savaşacağıq. Hər bir hücumçunun istəyi qol vurmaqdır. Ancaq millidə daha önəmlisi qələbə qazanmaqdır. Hamımız bura yaxşı nəticə üçün toplaşırıq. Düzdür, mən də İsveçlə matçda qol vurmaq istərdim. Bunun qələbə qolu olması mənim üçün daha vacibdir”.