“Yaxşı və baxımlı futbol oynadılar“

Premyer liqanın 29-cu turunda “Qarabağ” evdə “Səbail”i 2:1 məğlub etdi. Allsportz.az xəbər verir ki, ağdamlıların baş məşqçisi Qurban Qurbanov oyun haqda danışıb:

“Futbolçularımı təbrik edirəm. Yaxşı və baxımlı futbol oynadılar. Xeyli qol epizodları və kombinasiyalı hücumlar oldu. Mövsümün sonuna yaxınlaşmağımıza baxmayaraq, futbolçularda istək var idi. Oyun nizam-intizamını qoruyub saxladılar, razı qaldım. Rəqibə uğurlar arzulayıram”.