Yeniyetmə qızlardan 1 gümüş medal və 1 lisenziya

Makedoniya paytaxtı Skopyedə yeniyetmə güləşçilərin qitə birinciliyi davam edir. Allsport.az saytı xəbər verir ki, “sərbəstlər”dən sonra meydan qızlara verilib.

Rövşən Umudovun rəhbərlik etdiyi komandamızdan Şahanə Nəzərova (43 kq) 2-ci yer tutmaqla yanaşı, Buenos Ayres yeniyetmələrin olimpiya oyunlarına vəsiqə qazanıb.

Sevinc Əhədova (49 kq) ilə Nigar Mirzəzadə (65 kq) həm fəxri kürsüyə, həm də Argentinaya yollanmağa 1 addım olublar. Ayşən Yusifova (46 kq) hələ bu imkanı saxlayır.