“Ay-ulduzlumuz” komandasını darmadağından xilas edə bilmədi

Almaniya ikinci Bundesliqasında 6-cı turun oyunları keçirilib. Allsport.az xəbər verir ki, Azərbaycan yığmasının yarımmüdafiəçisi Dmitri Nazarovun komandası – “Karlsrue” də növbəti matçına çıxıb.

Sözügedən klub doğma meydanda “Yunion Berlin”lə qarşılaşıb. Matç meydan sahiblərinin 0:3 hesablı məğlubiyyəti ilə başa çatıb. Nazarov bu qarşılaşmanın 54-cü dəqiqəsində, hesab 0:2 olarkən meydana çıxıb.

Xatırladaq ki, orta xətt oyunçumuzun komandası onun oynamadığı əvvəlki qarşılaşmada da 0:6 hesablı darmadağınla üzləşmişdi. Qeyd edək ki, “Karlsrue” hazırda 6 xalla 13-cü pillədə qərarlaşıb.