“Ay-ulduzlu” futbolçumuz komandasına qələbə qazandırdı

Almaniya Qərb Regional Liqasında 6-cı turun oyunları keçirilib. Allsport.az xəbər verir ki, Azərbaycan millisinin yarımmüdafiəçisi Toğrul Əratın komandası – “Fortuna”nın 23 yaşlıları da növbəti matçına çıxıb.

Düsseldorf təmsilçisinin ikinci komandası səfərdə “Erndtebryuk”la qarşılaşıb. Görüş futbolçumuzun komandasının 1:0 hesablı qələbəsi ilə başa çatıb. Start heyətdə meydana çıxan Ərat sonadək mübarizə aparıb. Matçdakı yeganə qolu da məhz 41-ci dəqiqədə Toğrul vurub.

Qeyd edək ki, Toğrulun komandası hazırda 8 xalla 19 klub arasında 7-ci pillədə qərarlaşıb.