“Yoxlama oyunları üçün rəqib tapmaqda çətinlik çəkdik”

“Kəpəz”in baş məşqçisi Azər Məmmədov, Bakı toplanışını dəyərləndirib. Allsport.az saytı xəbər verir ki, o, “Dalğa arena”da keçirilən hazırlıqla bağlı bunu deyib:

“Biz çox istərdik ki, təlim-məşq toplanışını ölkə xaricində keçək. Amma məlum vəziyyətə, klubun sponsoru olmadığına görə hazırlıq üçün Bakını seçdik. Buna baxmayaraq məşqlərimiz plan üzrə getdi. İstədiyimiz kimi hazırlaşa bildik.

Sadəcə, yoxlama oyunları üçün rəqib tapmaqda çətinlik çəkdik. Düzdür, “Səbail”, “Zirə”, “Araz-Naxçıvan” kimi elita təmsilçiləri ilə oynaya bildik”.