VİDEO

Yunan-Roma güləşçilərimiz ilin ilk təlim-məşqini Gürcüstanda keçir

Yunan-Roma güləşçilərimiz yanvarın 10-da Gürcüstanda ilin ilk təlim-məşqinə başlayıb. Allsport.az saytı xəbər verir ki, millimiz Borjomi şəhərinin Bakuriani qəsəbəsində yerli komanda ilə birgə hazırlıq keçir.

Dəniz səviyyəsindən 1700 metr yüksəklikdə yerləşən turizm bölgəsində təşkil olunan TMT-nin əsas hədəfi fiziki hazırlığı yüksəltməkdir. Hazırlığa xalça üzərində Gürcüstan millisinin üzvləri ilə keçirilən taktiki-texniki çalışmalar da daxildir.

Bahadırlar baş məşqçi Aleksandr Tarakanov, böyük məşqçi Rövşən Bayramov və məşqçi Həsən Əliyevin rəhbərliyi ilə ayın 25-dək qonşu ölkədə məşqləri davam etdirəcəklər.