Zaur Svanadze: Bizi “sındırdılar”

“İnter”in baş məşqçisi Zaur Svanadze Premyer liqanın 11-ci turunda “Neftçi”yə qarşı keçirdikləri oyunu şərh edib. Allsport.az saytı xəbər verir ki, “bankçılar”ın gürcüstanlı çalışdırıcısı 1:2 hesabı ilə uduzduqları matçla bağlı bunu dilə gətirib:

“Bizim oyunumuza heç nə olmayıb, sadəcə, onu “sındırdılar”. Biz həmişə “feyr-pley”ə əməl edirik. Qoy bizə də qarşı elə oynasınlar. Uşaqlar həmin epizoda daha yaxın idilər, mən bir qədər uzaqda idim. Nizami Hacıyev komandanı meydandan çıxarmaq hədəsini səsləndirib? Bunu bilmirdim. Özüylə söhbət edəndən sonra biləcəyəm”.