Zidandan sonra Tçuameni

Fransa millisinin yarımmüdafiəçisi Orelyen Tçuameni 2006-cı ildən sonra qırmızı vərəqə alan millinin ilk kapitanı olub.
Allsport.az xəbər verir ki, millətlər liqasının qrup mərhələsinin 4-cü turunun Belçika ilə oyununda (2:1) “Real”ın futbolçusu 76-cı dəqiqədə iki xəbərdarlıqdan sonra meydanı erkən tərk edib.
Fransa millisinin kapitanları arasında qırmızı vərəqə alan sonuncu futbolçu 2006-cı il dünya çempionatının finalında Marko Materatsinin sinəsinə kəllə vurduğuna görə cəzalandırılan Zinəddin Zidan olub.