“Zirə”nin legionçusu: Azərbaycanla Ermənistan arasında münaqişə olmasını bilirəm

“Zirə”nin salvadorlu futbolçusu Nelson Bonilya ölkəsinin milli komandasının qarşıdakı Peru və Ermənistanla yoxlama oyunları barədə söz açıb. Allsport.az saytı xəbər verir ki, hücumçu bu yoldaşlıq matçları barədə bunu deyib:

“Öncə Peru, daha sonra isə Ermənistan yığması ilə qarşılaşacağıq. Oyunlar Los-Ancelesdə keçirilməlidir. Azərbaycan və Ermənistan arasında münaqişə olmasından xəbərim var.

Amma bu, siyasətdir və ona qarışmaq istəmirəm. Mən sadəcə, komandamın bu oyunlarda qələbə qazanması üçün əlimdən gələni edəcəyəm”.