Ən gənc əcnəbi “qartal”

Azərbaycan kubokunun 1/4 final mərhələsinin “Neftçi” ilə ilk oyunu daha bir futbolçunun “Zirə”də debütü ilə əlamətdar olub. Allsport.az xəbər verir ki, “qartallar”ın 1:0 hesablı qələbə qazandığı matçın 77-ci dəqiqəsində meydana daxil olan Filipe Pahtman ilk rəsmi görüşünü keçirib.

Filipe klub tarixinə Braziliya vətəndaşı kimi qeydiyyatdan keçən 5-ci əcnəbi olub. Onadək Dieqo Souza, Eduard Makiel, Mateus Albino və Rangel Kayo “Zirə”nin formasını geyinib.

Pahtman “qartallar”ın heyətində meydana çıxan ən gənc əcnəbi olub. O, 20 yaş 9 ay 23 günlüyündə qəsəbə təmsilçisində debüt edib. Cənubi amerikalıya qədər bu rekord Georgi Qoroziyaya məxsus idi. 2016/17 mövsümündə şans qazanan gürcüstanlı 21 yaş 11 ay 10 günlüyündə ilk dəfə “Zirə” forması geyinib.