“13-14 sağlam futbolçu qalıb”

“Qarabağ”ın məşqçisi Elçin Rəhmanov qitə liqasının “İ” qrupunun 5-ci turunda “Makkabi” (Tel-Əviv) ilə oyunla bağlı açıqlama verib.

Allsport.az saytı xəbər verir ki, Qurban Qurbanov koronavirusa yoluxduğu üçün onu əvəzləyən mütəxəssis heyətdə çatışmamazlığın olduğunu gizlətməyib:

“Məlum səbəblərə görə az oyunçumuz var. 13-14 sağlam futbolçu qalıb. Dua edirik ki, digər futbolçular tam hazır olsunlar”.

Noyabrın 3-də İstanbulda “Başağşəhər Fateh Tərim” stadionunda matç 21:55-də başlayacaq.