“Aberdin”lə cavab oyununa ciddi itki ilə çıxacaq

“Qarabağ” konfrans liqasının pley-ofunda “Aberdin”lə cavab oyununa ciddi itki ilə çıxacaq. Allsport.az saytı xəbər verir ki, Patrik Andrade Şotlandiyadakı görüşdə iştirak edə bilməyəcək.

Buna səbəb onun cəzalı duruma düşməsidir. Kabo-verdeli yarımmüdafiəçi Bakıdakı ilk matçda (1:0) sarı vərəqə alıb. Bu, onun mövsümdə 3-cü xəbərdarlığı olub.

Aberdində cavab qarşılaşması avqustun 26-da keçiriləcək.