”Abşeron”dan ardıcıl 4-cü qələbə

Qadın voleybolçular arasında Azərbaycan çempionatında ilin son oyunları baş tutub. 

Allsport.az xəbər verir ki, bu gün yüksək liqanın IV turunda Bakıda iki, Gəncədə isə bir oyun keçirilib. 

İlk olaraq GİN-in voleybol mərkəzində meydana “Abşeron” və “Azərreyl” klubları çıxıblar. Gərgin keçən bu görüşdə “Abşeron” 3:1 hesabı ilə qələbə qazanıb. 

Növbəti oyun Gəncə idman sarayında baş tutub. Bu matçda meydan sahibi “Gəncə” klubu UNEC-i 3:0 hesabı ilə məğlub edib. 

Turun və ilin son qarşılaşması isə “Milli Aviasiya Akademiyası” və “Murov Az Terminal” komandaları üz-üzə gəliblər. Bu oyunda 3:1 hesabı ilə “Milli Aviasiya Akademiyası” qalib gəlib.

Yüksək liqa (qadınlar)

IV tur

“Gəncə” – UNEC 3:0 (25:8, 25:7, 25:11) 

“Abşeron” – “Azərreyl” 3:1 (18:25, 25:21, 25:17, 25:16)

“Milli Aviasiya Akademiyası” – “Murov Az Terminal” 3:1 (25:20, 23:25, 25:21, 25:19)