AFFA “Lokomotiv”i Birinci diviziondan uzaqlaşdırdı

Bu gün AFFA İntizam Komitəsinin növbəti iclası keçirilib. Allsport.az xəbər verir ki, aparılan müzakirələrdən sonra aşağıdakı qərar qəbul olunub.

“18 fevral 2015-ci il tarixli 79 saylı məktubla “Lokomotiv” klubu fəaliyyətini dayandırması və növbəti turdan etibarən Azərbaycan 1-ci divizionunda çıxışını davam etdirməyəcəyi ilə bağlı Peşəkar Futbol Liqasına müraciət edib. PFL bu məsələ ilə bağlı İntizam Komitəsinə müraciət edərək müvafiq qərarın çıxarılmasını bildirib. Yuxarıda göstərilənləri nəzərə alaraq, İntizam Komitəsi aşağıdakı qərarları qəbul edir:

“Lokomotiv” klubu 2014/2015 mövsümündə Azərbaycan 1-ci divizionundan xaric edilsin. Klub oyunların 50% – də iştirak etdiyinə görə, klubun iştirakilə keçiriləcək növbəti matçlarda kluba 0:3 hesablı texniki məğlubiyyət verilsin.