AFFA millinin iki üzvünü Barselonaya göndərdi

AFFA Azərbaycan U-17 millisinin iki üzvünü İspaniyaya təcrübə keçməyə göndərib.

Allsport.az xəbər verir ki, federasiya rəhbərliyi yeniyetmə futbolçuların inkişafı, daha rəqabətli mühitdə məşq keçməsi məqsədilə 17 yaşadək futbolçulardan ibarət millinin iki üzvünü – Rauf Rüstəmlini (“Qəbələ”) və Musa Musazadəni (“Qarabağ”) İspaniyanın Barselona şəhərində fəaliyyət göstərən “Marcet” futbol akademiyasına göndərib.

Futbolçular adıçəkilən akademiyada noyabrın 25-dən dekabrın 22-dək (4 həftə) təcrübə keçəcək, gündəlik məşqlərlə paralel nəzəri məşğələlərdə də iştirak edəcəklər.