“Ağır vəziyyətdə oyuna çıxmışdıq”

“Sumqayıt” premyer liqanın ilk turunda evdə “Kəpəz”ə 2:0 qalib gəlib. Allsport.az saytı xəbər verir ki, mətbuat konfransında “kimyaçılar”ın baş məşqçisi Samir Abbasov bunu deyib:

“Ağır vəziyyətdə oyuna çıxmışdıq. Psixoloji durumumuz yaxşı deyildi. Konfrans liqasında məğlubiyyətin məyusluğunu ata bilməmişdik. Futbolçularım həddindən artıq güc qoydular, enerji itirdilər və qələbə qazandılar.

Onlara təşəkkür edirəm. Nəsə başqa nəticə olsaydı da, nəsə deyə bilməyəcəkdim. Uşaqlar gözəl futbol oynadılar”.