AİJF prezidenti bir qrup tələbə ilə görüşüb

Bu gün AİJF prezidenti Qabil Mehdiyev federasiyada təcrübə keçmiş bir qrup tələbə ilə görüşüb. Bakı dövlət universitetinin “Jurnalistika” fakültəsinin 4-cü kursunda təhsil alanlar AİJF-nin beynəlxalq əlaqələr və təhsil komissiyasında təcrübəyə cəlb olunublar.

Görüş zamanı AİJF rəhbəri onlara uğurlar arzulayaraq ümidvar olduğunu bildirib ki, aralarında idman mediasına marağı olan tələbələrlə gələcəkdə yenidən yolumuz kəsişəcək.

Sonda tələbə-jurnalistlərə 20-günlük təcrübənin yekununa uyğun olaraq xasiyyətnamələr və Azərbaycan idman mətbuatının banilərindən sayılan Mirpaşa Miriyevin həyatından bəhs edən “Redaktor” kitabı təqdim edilib.