Aqil “ağ-qaralar”da 7-ci oldu

Premyer liqanın 3-cü turu “Neftçi”nin qapıçısı Aqil Məmmədov üçün yubileylə əlamətdar olub. Allsport.az xəbər verir ki, “Qarabağ”la səfər matçı (1:2) qolkiperin premyer liqada “ağ-qaralar”ın heyətində keçirdiyi 50-ci oyun kimi yadda qalıb.

O, 2015-16-ci illərdə də şərəfini qoruduğu paytaxt təmsilçisinə 2019-cu ildə qayıdıb. Məmmədov bu müddətdə keçirdiyi 50 görüşdə 57 top buraxıb.

Aqil Azərbaycan çempionatlarında “Neftçi”də 50 və daha çox oyun keçirən 7-ci qapıçıdır.