Arda artıq “Barselona”nın futbolçusu deyil

2015-ci ildə 34 milyon avro qarşılığında “Atletiko”dan “Barselona”ya transfer olan Arda Turanın bu gün Kataloniya klubu ilə müqaviləsi başa çatıb.

Allsport.az xəbər verir ki, 33 yaşlı yarımmüdafiəçi hazırda azad agent statusuna sahibdir.

Türkiyə millisinin üzvü 2018-ci ildə Türkiyənin “Başakşəhər” klubuna 2,5 illik icarəyə verilmişdi. Futbolçu bu ilin yanvarında İstanbul təmsilçisindən ayrıldıqdan sonra oyun keçirməyib.

Arda katalonlarda 55 oyun keçirib, 15 qol vurub və 11 assist edib.