“Atletiko”nun futbolçusu millimizə qarşı oynamayacaq

Azərbaycan yığmasının millətlər liqasında rəqibi olan Monteneqro ciddi itki ilə üzləşib. Allsport.az xəbər verir ki, komandanın müdafiəçisi Stefan Saviç cəzalı duruma düşüb.

29 yaşlı futbolçu Kipr (2:0) və Lüksemburqa (1:0) qalib gəldikləri matçlarda sarı vərəqə alıb. Bu səbəbdən Madrid “Atletiko”sunun üzvü 3-cü turda Azərbaycanla matçı buraxacaq.

Monteneqro – Azərbaycan oyunu oktyabrın 10-da keçiriləcək.