AVF-in baş katibi: “Gənclər” klubu millinin əsas bazalarından olacaq

“Azərbaycan voleybol federasiyası milli komandalar üçün ehtiyat qüvvənin hazırlanlanması istiqamətində böyük iş görür. Bölgələr üzrə klubların yaradılması buna xidmət edir. Sumqayıtda yeni yaradılan “Gənclər” klubu gələcəkdə əsas seçmənin alt yetişməsi olacaq”.

Bunu allsport.az saytına AVF-in baş katibi Faiq Orucov dedi. Onun sözünə görə, artıq maddi-texniki baza yaradılıb: “Klub – Sumqayıt olimpiya idman kompleksində məskunlaşıb. Orada heyət hər şeylə təmin olunub. Bunu belə etməyimiz, komandaya nəzarətin əlverişli olmasıdır.

“Gənclər” bölgələrdə istedadlı voleybolçuların hesabına formalaşıb. Yaxın gələcəkdə bu cür klubların sayı artırmağı düşünürük. “Murov” – ilk belə komandamızdır. Davamı mütləq olacaq. Akademiya tipli layihələr hər zaman inkişafa təkan verir”.