Avropa çempionatlarında iştirak edəcəklər

Çimərlik voleybolu üzrə Azərbaycan komandaları Avropa çempionatlarında iştirak etmək məqsədilə bu gün Avstriyaya yola düşüblər.

Allsport.az xəbər verir ki, təmsilçilərimiz əvvəlcə 14-17 avqustda Avstriyada keçiriləcək U-22 Avropa çempionatında, daha sonra isə 20-25 avqustda İspaniyada təşkil olunacaq U-20 Avropa çempionatında iştirak edəcəklər.

Ölkəmiz hər iki turnirdə həm oğlanlardan (Məhəmməd Aslanlı/İbrahim Məmmədov; ehtiyat komanda Nəriman Bayramlı/Tural Əsgərov), həm də qızlardan (Səbinə Əlizadə/Cəmilə Bəşirova) ibarət bir komanda ilə təmsil olunacaq.

Qızlardan ibarət komandamıza Nihad Tarverdiyev, oğlanlardan ibarət komandamızın isə isə Atvars Vilde rəhbərlik edəcək.