Azər 100-ə çatdı

“Keşlə”nin futbolçusu Azər Salahlı premyer liqada 100-cü oyununu keçirib. Allsport.az xəbər verir ki, yubiley 14-cü turun “Sumqayıt”la matçına (0:1) təsadüf edib.

Start heyətində yer alan müdafiəçi mövsümdə 14-cü, çempionatda 100-cü dəfə meydana çıxıb.

2013/14 mövsümündə indiki komandası “İnter” adlandığı vaxt debüt edən Azər üç klubun şərəfini qoruyub. “Keşlə”də 39 qarşılaşmada 1 dəfə fərqlənib. “Sumqayıt”dakı 55 matçda 2 qola sevinən futbolçu “Qarabağ”da 6 dəfə meydana çıxıb.

Salahlının debütü 2014-cü il mayın 17-də AZAL-la səfər matçında (3:1) gerçəkləşib.