Azərbaycan təmsilçilərinin mümkün rəqibləri 

İsveçrənin Nyon şəhərində konfrans liqasının 3-cü təsnifatının püşkatmasında Azərbaycan təmsilçilərinin mümkün rəqibləri müəyyənləşib.

Allsport.az saytı xəbər verir ki, “Sabah” – “Makkabi” (Hayfa, İsrail) cütünün qalibi növbəti raundda “Sent Patriks” (İrlandiya) – “Vaduts” (Lixtenşteyn) cütünün qalibi ilə üz-üzə gələcək.

“Zirə” – “Dunayska Streda” (Slovakiya) qarşıdurmasından növbəti rəqib “NK Osiyek” (Xorvatiya) – “Levadiya” (Estoniya) ikilisinin qalibi olacaq.

“Sumqayıt” – “Fehervar” (Macarıstan) mübarizəsində sevinən “Omoniya” (Kipr) – “Torpedo” (Kutaisi, Gürcüstan) cütünün qalibi ilə görüşəcək.

Konfrans liqasında bu mərhələsinin oyunları avqustun 8-də və 15-də keçiriləcək.