Azərbaycanlı hakim koronavirusa yoluxdu

Türkiyədə Qarabük həvəskarlar liqasında hakimlik edən İsa Məmmədov xəstəxanasında koronavirus testi verib. Allsport.az “İxlas” agentliyinə istinadən xəbər verir ki, həmyerlimiz dad və qoxu hisslərini itirdiyi üçün xəstəxanaya müraciət edib.

Onun testi müsbət çıxıb. Türkiyə aktiv futbol hakimləri və inspektorları dərnəyinin Qarabük şöbəsinin rəhbəri Tanər Tuncər bildirib ki, şəhər universitetinin 3-cü kurs tələbəsi olan referi müalicə üçün xəstəxanaya yerləşdirilib.

Onun Qarabükdəki otaq yoldaşları dərslər dayandırıldığı üçün Azərbaycana qayıdıb.