“Baş məşqçi məni milliyə çağırsa, deməli, ağlını itirib”

Almaniya millisinin sabiq kapitanı Tomas Müller DÇ-2026-da iştirak etmək üçün yığmaya qayıtmaq ehtimalına ironiya ilə cavab verib.

Allsport.az xəbər verir ki, hazırda Kanadanın “Vankuver” klubunda çıxış edən 36 yaşlı hücumçu qayıdış imkanının sıfıra bərabər olduğunu bildirib. Avro-2024-dən sonra milli karyerasını bitirən Müller “Magenta TV”-yə açıqlamasında maraqlı fikir səsləndirib:

“Mənim milliyə qayıtmaq imkanın? Sıfırdır. Əgər məşqçi (Yulian Naqelsman) məni dünya çempionatına çağırsa, deməli, o, ağlını itirib. Bu o deməkdir ki, onun ciddi problemləri var. O, mənə zəng edə bilməz. Belə bir ssenari üçün neçə oyunçu sıradan çıxmalıdır? 15 hücumçu?”

DÇ-2026 gələn yay ABŞ, Kanada və Meksikada keçiriləcək.