Cənubi afrikalı futbolçu: “Bakıda tam qapalı vəziyyətdə yaşamırıq”

“Səbail”in futbolçusu Hendrik Ekşteyn kickoff.com-a açıqlama verib. Allsport.az xəbər verir ki, cənubi afrikalı yarımmüdafiəçi koronavirus pandemiyasının Azərbaycana təsirindən danışıb:

“Bakıda çölə çıxıb futbol oynaya bilmədiyim üçün bu günlərdə evdə məşq edirəm. Evdə məşq etmək üçün bir neçə idman avadanlığı almışam. Bu avadanlıqları ala bilməyən oyunçu evdə uyğun olacaq hər şeydən istifadə edə bilər. Evdə stullarla məşq etmək mümkündür.

Bakıda tam qapalı vəziyyətdə yaşamırıq. Burada Cənubi Afrikada kimi deyil, amma yenə də evdə qalmağın vacib olduğunu vurğulayırlar. Buna görə evdə oluruq. Küçədə ordu yoxdur, buna görə də küçəyə çıxa bilirik. Klub bizə bəzi tapşırıqlar verib. Azərbaycana qayıtdığım üçün xoşbəxtəm. Futbolun yenidən başlanmasını gözləyirəm”.