ÇL-nin formatı dəyişməyəcək

UEFA nümayəndələri jurnalistlərə çempionlar liqasının hazırkı pley-off formatının gələn mövsüm üçün saxlanılacağını təsdiqləyiblər.

Allsport.az xəbər verir ki, pley-off mərhələsində əlavə hissələrin aradan qaldırılması təklifi klub yarışları komitəsində müzakirə edilsə də, qəbul edilməyib.

Bundan əvvəl UEFA-nın futbolçuların oyun yükünü azaltmaq üçün iki qarşılaşma arasında ümumi hesabda heç-heçə olacağı təqdirdə əsas vaxtdan dərhal sonra əlavə vaxtı aradan qaldırmaq və penaltilər seriyasına keçmək imkanlarını nəzərdən keçirdiyi bildirilirdi.