Dursun Elxanı rədd etdi

Almaniya 2-ci bundesliqa təmsilçisi “Darmştadt” klubunun hücumçusu Sərdar Dursun Azərbaycan yığmasında oynamaqdan imtina edib. Allsport.az xəbər verir ki, 28 yaşlı hücumçu AFFA ilə danışıqlar apardığını deyib:

“Azərbaycan millisində oynamaq üçün təklif almışdım. Federasiya ilə danışıq apardım. Məni milli komandada görmək istədiklərini bildirdilər, ancaq Türkiyə yığmasında oynamaq istədiyimi dedim”.

Almaniyada doğulan türkiyəli futbolçu 2018-ci ildən “Darmştadt”da çıxış edir. Sərdar ötən mövsüm 2-ci bundesliqada keçirdiyi 34 oyunda 16 qol vurub, 6 məhsuldar ötürmə edib.

Qeyd edək ki, digər ölkələrdən olan furbolçuları mililəşdirmə məsələsinə AFFA-nın vitse-prezidenti və baş katibi Elxan Məmmədov baxır.