Elçin Rəhmanov: “Oyunun ağır keçəcəyini bilirdik”

“Qarabağ”ın məşqçisi Elçin Rəhmanov premyer liqanın 11-ci turunda “Səbail”ə qarşı səfər oyununu şərh edib. Allsport.az saytı xəbər verir ki, o, 1:1 bitən matçdan sonra bunu söyləyib:

“Oyunun ağır keçəcəyini bilirdik. Sıx qrafik və süni meydança amili var idi. Bu gün 1 xal qazandıq. Dünən də səfərdə idik, yorğunluq oldu. Amma Ağdamın alınmasına görə böyük bir tədbir keçirildi.

Bizim də orada olmağımız vacib idi. Ümid edirik ki, yaxın gələcəkdə oyunlarımızı “İmarət”də keçirəcəyik.