Şahin Bağırov: “Ənənəvi uğurları davam etdirməliyik”

Bu gün “Naxçıvan – Həyat Reces” mehmanxanasında Yaşıl dünya naminə həmrəylik ili” çərçivəsində voleybol üzrə yüksək liqanın və ölkə kubokunun püşkatması oldu. Allsport.az saytı xəbər verir ki, tədbirdə AVF-in prezidenti Şahin Bağırov açılış nitqi ilə çıxış etdi:

“Bir müddətdir birgə addım atırıq. Kollegial qərarlar aldıq. İlkin nəticələr var. İşimizi davam etdiririk. Bir vacib məsələyə toxunmaq istəyirəm. Bu gün idmanımız inkişaf edir. Paris yay olimpiya oyunlarında uğurlu çıxış etdik.

Voleybol da bu şanlı yoldan geri qalmaq niyyətində deyil. Ənənəvi uğurları davam etdirməliyik. Bu istiqamətdə uşaq voleybolu önəmlidir, başlıca hədəfimizdir. Hədəfə yetişmək üçün infrastrukturu qurmalıyıq, yaxşılaşdırmalıyıq”.