“Enfild”də ad günü: Futbolçular köməyə çatdı

“Liverpul”un bir azarkeşi sevgilisinin ad gününü “Enfild” stadionunda qeyd etmək üçün sosial şəbəkədə maraqlı kampaniya başladıb.

Allsport.az xəbər verir ki, sevgilisi ad gününü stadionda keçirməyə bir şərtlə razı olub: klubun hər hansı bir oyunçusu gəncin bu barədə paylaşdığı videoya şərh yazmalıdır.

Müraciətə dərhal niderlandlı müdafiəçi Ceremi Frimponq (“Enfilddə görüşənədək” yazaraq) və qadın komandasının üzvü Alis Berqstrem reaksiya verib. Beləliklə, şərt yerinə yetirilib və cütlük ad gününü stadionda qeyd edəcək.