”Fənərbağça”da rəsmi ayrılıq

“Fənərbağça” mərakeşli hücumçusu Yusif Ən-Nəsiri ilə yolunu rəsmən ayırıb. 

Allsport.az xəbər verir ki, tərəflər arasında müqaviləyə qarşılıqlı razılaşma əsasında xitam verilib.

Bu ayrılıq “Əl-İttihad” klubu ilə aparılan transfer mübadiləsinin bir hissəsidir. 

Türkiyə futbol federasiyasına (TFF) təqdim edilən sənədlərdə 28 yaşlı forvardın karyerasını Səudiyyə Ərəbistanında davam etdirəcəyi bildirilib.

Ən-Nəsiri “Əl-İttihad”da “Əl-Hilal”a keçən Kərim Benzemanın əvəzləyicisi kimi çıxış edəcək.