Finala “Sərhədçi” və “Polad” komandaları çıxdılar

Bakı Dövlət Cıdır Meydanında Çövkən üzrə 3-cü Azərbaycan çempionatı sona yaxınlaşır. Allsport.az saytı xəbər verir ki, bu gün keçirilmiş yarımfinal oyunlarından sonra, finalda mübarizə aparacaq komandalar məlum olub. Final yolunda “Ağdam” komandası “Polad”a 0:1 hesabı uduzub.

“Sərhdəçi” komandasının çaparları isə “Balakən” təmsilçisinin qapısından 7 cavabsız top keçiriblər. Beləliklə də sabah təşkil olunacaq həlledici matçda “Sərhədçi” və “Polad” komandaları üz üzə gələcəklər. Oyun saat 13-00 da başlayacaq. Bundan bir saat öncə isə 3-cü yer uğrunda qarşılaşma olacaq.

Qeyd edək ki, Çövkən oyunlarından öncə Azərbaycan Respublikası Atçılıq Federasiyasının təşkilatçılığı ilə Bakı Dövlət Cıdır Meydanında xüsusi parad, milli çadırların quraşdırılamsı və şou proqram planlaşdırılıb.