“Gözləmədiyimiz qolu buraxdıq”

“Zirə’” premyer liqanın ilk turunda evdə “Qarabağ” 1:1 oynayıb. Allsport.az saytı xəbər verir ki, mətbuat konfransında meydan sahiblərinin baş məşqçisi Rəşad Sadıqov bunu deyib:

“İlk dəqiqələrdən futbolçular gərgin başladılar. Matçın tempi yüksək idi. Gözləmədiyimiz qolu buraxdıq. Ondan sonra futbolçuların reaksiyası xoşuma gəldi. Bərabərlik qolunu da vurduq. Komandamın 60-65 dəqiqədən sonra yorulacağını gözləyirdim.

Belə də oldu. Ancaq sona qədər nəticəni qoruya bildik. Futbolçular sona qədər xarakter göstərdilər. İlk turda məğlub olmamaq çox önəmli idi. Rəqib də “Qarabağ” idi”.