Həmkarımız PFL və «Topaz»dan mükafatını aldı

Sportinfo.az-ın əməkdaşı Mirbağırağa Cəfərli PFL-in və Premyer liqanın rəsmi sponsoru «Topaz»ın təşkilatçılığı ilə KİV nümayəndələri arasında keçirilən sonuncu proqnoz yarışmanın qalibi olub.

Allsport.az saytı xəbər verir ki, həmkarımız çempionatın 22-ci turunda baş tutan «Qəbələ» – «Neftçi» matçının hansı hesabın bitəcəyini düzgün ehtimal edib. Sözü gedən görüşdə futbolumuzun bayraqdarı ev sahiblərini 3:1 üstələyib.

Təşkilatçı tərəf Mirbağır Cəfərliyə 1000 manat mükafat təqdim edib. Qeyd edək ki, bu, həmkarımızın mövsümdə 2-ci qələbəsidir. O, 17-ci turda keçirilən «Xəzər Lənkəran» – «Qarabağ» oyununda ev sahiblərinin 2:3 uduzacağını proqnoz etmişdi.